Redmi Pad və Xiaomi 12T Pro-nun ilk rəsmi görüntüləri şəbəkədə yayımlanıb. Onlardan birincisi çoxdan gözlənilən planşet, ikincisi isə Xiaomi 12T Pro smartfonudur.
İndi biz bu çoxdan gözlənilən cihazların rəsmi dizaynını görə bilərik. Xüsusilə, fotolar Xiaomi şirkətinin Twitter hesabında dərc edilib. Düzdür, paylaşımdan sonra şirkətin komandası demək olar ki, dərhal mesajı sildilər. Bununla belə, həvəskarlar cihazları screenshot edə biliblər.
Xiaomi 12T Pro və Redmi Pad eyni üslubda hazırlanmışdır. Kamera modulları hər iki cihazda nümayiş olunur. Görünür ki, planşet 8 meqapiksellik sensor ilə təchiz edilib. Onun 4G LTE qoşulma inteqrasiyasına və 7800 mAh batareyaya sahib olacağı da məlumdur. Smartfona gəlincə, o, əsas 200 meqapiksellik sensorlu üçlü kamera alacağı təsdiqlənib.
Bizi Telegram kanalımızdan da izləyə bilərsiniz. https://t.me/infocity_az
