Realme, qiyməti 22 dollar olan yeni ultra büdcəli Buds Air 3 Neo qulaqlıqlarını təqdim etdi. Qulaqlıqların özləri 7 saat muxtariyyətə malikdir, halbuki keys onu 30 saata qədər artırmağa imkan verir. Əsas odur ki, hər qulaqcıq cəmi 4 qramdır.
Onu da qeyd etmək lazımdır ki, qulaqlıqlar Environmental Noise Cancellation funksiyasına malikdir, həmçinin 88 millisaniyədə aşağı gecikmə ilə oyun rejimini dəstəkləyir. Bu, təkcə oyunlarda deyil, həm də videolara baxarkən xüsusilə vacibdir.
Realme Buds Air 3 Neo şəffaf üst örtüyə malik yeni dizayndadır. Qulaqlıqların xüsusiyyətlərinə Bluetooth 5.2 dəstəyi və IPX5 standartına uyğun olaraq nəmdən qorunma daxildir. Model qoşulma üçün AAC və SBC kodeklərini dəstəkləyir.
Bizi Telegram kanalımızdan da izləyə bilərsiniz. https://t.me/infocity_az
