Hələ təqdimatdan əvvəl şirkətin yeni smartfonu China Telecom operatorunun saytında peyda olub. Onlayn mağaza cihazın əksər xüsusiyyətlərini, eləcə də qarşıdan gələn orta səviyyəli yeniliyin dizaynını üzə çıxaran bir sıra şəkilləri dərc edib.
Ölçüləri 163,8 x 75,1 x 7,99 mm və çəkisi 190 qram olan cihaz 6,56 düymlük Full HD+ ekran əldə edəcəyi bildirilir. Smartfonun akkumulyatorunun tutumu 5000 Mah olacaq, lakin dəstəklənən enerji təchizatının gücü göstərilməyib. Arxa kamera moduluna 48 və 2 meqapiksellik təsvir sensorları daxil olacaq, ön kamera isə bir 8 meqapiksellik sensor alacaq.
O da məlumdur ki, yeni məhsul 8/256 GB və 12/256 GB yaddaş konfiqurasiyalarında və üç rəngdə olacaq: qara, mavi və qırmızı. Pərakəndə satıcı tərəfindən dərc edilən şəkillərə görə, cihaz klassik 3,5 mm qulaqlıq konnektoru əldə edəcək. Yeniliyin təqdimat tarixi və qiyməti hələlik məlum deyil.
Bizi Telegram kanalımızdan da izləyə bilərsiniz. https://t.me/infocity_az
