OnLeaks kimi tanınan etibarlı insayder Stiv Hemmerstoffer, hələ təqdim edilməmiş realme 9i smartfonunun bütün texniki xüsusiyyətlərini dərc edib.
Mənbənin məlumatına görə, realme 9i Full HD+ təsvir ölçüsünə və 90 Hz yeniləmə tezliyinə malik 6,6 düymlük displeylə təchiz ediləcək. Smartfonun performansı üçün inteqrasiya olunmuş Adreno 610 qrafikasına malik Qualcomm Snapdragon 680 prosessoru cavabdeh olacaq. Gələcək yenilik 8 GB RAM və 128 GB yaddaşla satışa çıxarılacaq.
Gadgetin əsas kamerasına 50, 8 və 2 meqapiksellik təsvir ölçülü üç sensor daxil olacaq. Ekranın yuxarı sol küncündəki kəsikdə yerləşəcək ön kamera 16 meqapiksellik sensor alacaq. realme 9i yan tərəfə quraşdırılmış barmaq izi skaneri və 5000 mAh 33 Vt sürətli şarj dəstəyi ilə təchiz olunacaq. Yeniliklərin qalan xüsusiyyətləri aşağıdakılardır: USB Type-C portu, 3,5 mm audio konnektor, həmçinin 4G LTE Bluetooth 5 və GPS dəstəyi.
Realme 9i-nin təqdimatı 2022-ci ilin əvvəlində gözlənilir.
Bizi Telegram kanalımızdan da izləyə bilərsiniz. https://t.me/infocity_az
