Yeni məhsulun adı Çin telekommunikasiya agentliyi TENAA-nın məlumat bazasında tapıldı. Alınan məlumata görə, Xiaomi Mi11 Lite 6.55 düym ekran, 4150 mAh tutumlu bir batareya və Android 11 alacaq. Cihazın ölçüləri 160.53 x 75.72 x 6.81 mm olacaq. Müqayisə üçün Mi10 Lite bir qədər böyük idi — 163,7 x 74,8 x 7,9 mm.
Bundan əlavə, smartfonun qiyməti Avropa mağazalarından birinin saytında da diqqət çəkib. Beləliklə, 6 + 128 GB versiyasında Mi11 Lite 5G, 408 avroya başa gələcək. Yeni məhsulların rəsmi qiymətinin 399 avro olacağı ehtimal olunur.
Mi11 Lite 5G-nin Snapdragon 765G prosessoru, 90Hz AMOLED ekranı və 64MP kamerası olduğu deyilir. Təqdimat tarixi hələ məlum deyil.
Bizi Telegram kanalımızdan da izləyə bilərsiniz. https://t.me/infocity_az
