Yeni AMD Ryzen 5 3600X prosessoru 4.5 Ghz tezliklə bir nüvəli testdə sınaqdan keçirilib. Prosessor ən yaxşı nəticəni göstərərək flaqman sayılan Intel Core i9-9900K (5 Ghz) çipini geridə qoya bilib. Yeni Ryzen 5 3600X orta sinifə aid olmasına baxmayaraq sınaqlarda şəriksiz lider olub.
Daha köhnə AMD modelləri ilə də müqayisə edilən yeni AMD prosessoru (məsələn, Ryzen 7 2700X, 4.35 Ghz) 25% daha güclü olub. Core i9-9900K prosessorunu isə 1% qabaqlamağı bacaran Ryzen 5 3600X ictimayyətin marağına səbəb olub. Belə ki, Intel flaqmanının qiyməti təxminən 605 dollar, AMD Ryzen 5 3600X isə cəmi 295 dollar qiymətə sahibdir. Bu prosessorların satışına 7 iyul tarixindən etibarən start veriləcək.
