General Motors hər il ənənəvi olaraq ABŞ-da keçirilən SEMA Show avtomobil sərgisinə bu dəfə əfsanəvi Chevrolet Camaro modelinin yeni versiyasını hazırlayıb.
eCOPO Concept adlandırılan avtomobildə ənənəvi mühərrik yoxdur. Onun əvəzinə iki ədəd BorgWarnen 250-150 tipli elektrik mühərrik quraşdırılıb. Hər biri 350 at gücünə malik olan bu mühərriklər ümumilikdə avtomobil üçün 700 at gücünü təmin edirlər. Mühərriklərin enerji yığması 4 ədəd hər biri 80 kq olan batareyalar sayəsində mümkün olur. Onlardan iksi arxa oturacaqların altında, digərləri isə arxa paneldə quraşdırılıb. İstehsalçılar qeyd edir ki, eCOPO Concept Camaro 402 m məsafəni 9 saniyəyə qət edə bilir.
