Windows 95 əməliyyat sisteminin təqdimatından 23 il keçir. Bu əfsanəvi əməliyyat sistemini sadə bir tətbiqə çeviriblər. Slack korporativ messencerinin tərtibatçısı Feliks Rizerberq əməliyyat sistemini 129 mb çəkisi olan bir tətbiqə yerləşdirib.
Proqramı açdığınız zaman Windows 95-in interfeysini görəcəksiz və orada Microsoft-un bütün proqram paketi olacaqdır: Paint, Wordpad, hesablayıcı, eləcə də bir neçə əfasanəvi oyunlar. Yalnızca Internet Explorer-dən istifadə mümkün olmayacaq, çünki brauzer proqram daxilindən şəbəkəyə qoşulaya bilmir. Qeyd edək ki, proqram heş bir donmasız çalışır və RAM-ın yalnızca 200 mb yaddaşını istifadə edir.
