Oppo şirkəti rəsmi təqdimatı bir neçə gündən sonra Çində baş tutacaq Oppo R17-nin qiymətini açıqlayıb. Oppo R17 Corning Gorilla Glass 6 müdafiə şüşəsi ilə ilk smartfon olacaq. Bundan başqa, cihazda ekranın altına quraşdırılmış barmaq izi skaneri olacaq.
6.4 düymlük 19:9 tipli Full HD+ displey, əsas 16+5 mp qoşa kamera və 25 mp selfie kamera, Qualcomm Snapdragon 670 prosessoru, 8 GB RAM, 128 GB daxili yaddaş, USB Type-C, 3500 mAh batareya smartfonun ümumi göstəriciləridir. 23 avqust təqdim ediləcək Oppo R17 510 dollara satışa çıxarılacaq.
