Apple şirkəti növbəti mətbuat konfransı üçün jurnalistlərə rəsmi dəvətlər göndərib. Konfrans 2018-ci il sentyabr ayının 12-də nəzərdə tutulub. Məkan olaraq Apple şirkətinin yeni kampusundan Steve Jobs Theater adlı teatr seçilib.
Bu tədbirdə iPhone 9, iPhone X və iPhone X Plus modellərinin anons ediləcəyi gözlənilir. Bundan başqa, yeni Apple Watch Series 4 çərçivəsiz displeyli saatların, eləcə də iPad Pro (Face ID), MacBook, Mac mini cihazlarının anonsu edilə bilər.
Daha öncə yayılan məlumatlara əsasən Apple 5.8 və 6.5 düymlük OLED displeyli iki model təqdim edəcək. Bundan başqa, LCD displeyi daha ucuz olan iPhone 9 da gündəmdədir.
