Amazon şirkətinin başçısı və Blue Origin sahibi Jeff Bezos 2020-ci ilədək orbitə New Glenn raketlərini çıxarmağı planlayır. Bundan başqa, o, Ayın kolonizasiyası üçün NASA ilə birgə yeni raket hazırlamağı düşünür. Əgər danışıqlar uğursuz olarsa, Bezos bütün sərvətini bu layihəyə yatırmağa hazır olduğunu da bildirib — 133 milyard dollar.
Bezosun ideologiyası ondan ibarətdir ki, bütün ağır sənaye fabrik və zavodları kosmosa çıxarılsın və Yer kürəsinin ekologiyası təmizlənsin. Onun sözlərinə görə, yaxın gələcəkdə insanlar artıq kosmosa səyahət edəcək, orada məskunlaşmaq üçün ilk addımlarını atacaq və hətta iş yerləri açacaqdır.
