Bloomberg-in məlumatına əsasən, Apple özünün istehsal edəcəyi prosessorları cihazlarında istifadə edəcək. Şirkət artıq müddətdir ki, ARM-çiplər istehsal edir, lakin, bu çiplər çox zaman Intel prosessorlarının dəstəyi üçün istifadə edilir.
Qeyd edilir ki, Apple şirkətinin bu addımının bir neçə səbəbi var. Belə ki, yeni prosessorlara keçid gəlir artımına gətirib çıxaracaq. Digər bir tərəfdən isə Intel prosessorlarında boşluqlar haqqında son zamanlar yayılan məlumatlar Apple-ı düşünməyə vadar edib. Şirkət rəsmiləri hələlik heç bir şərh bildirməsələr də, 2020-ci ildə yeni prosessorlara keçid üçün layihəyə artıq start verilib.
