OPPO smartfonlarının F seriyaları həmişə keyfiyyətli ön kameraları ilə seçiliblər. Bu xəttin yeni smartfonu da bu ənənəni davam edib.
Belə ki, yeni OPPO F7 smartfonu 25 mp. ön kamera ilə təchiz ediləcək. Bundan başqa, kameranın süni intellekt funskiyaları da olacaq. Şirkət smartfonun digər göstəriciləri haqqında heç bir məlumat vermir. Lakin, daha əvvəl də məlum olduğu kimi, OPPO F7 6.2 düymlük Full HD+ ekranla təchiz ediləcək. Bu ekran smartfonun ön panelinin 89%-ni örtəcək. Cihazda iPhone X stilində ön kamera üçün ön paneldə xüsusi kəsik də var. Şayiələrə görə OPPO F7 MediaTek prosessoru ilə çalışacaq. Cihazın anonsu mart ayının 26-na təyin edilib.
