Cari ildə CES 2018 sərgisi çərçivəsində smartfon təqdimatı azlıq təşkil etdi. Hamı başa düşürdü ki, vendorlar bütün yenilikləri MWC 2018 üçün saxlayırlar. Tədbir 26 fevral start götürəcək və 1 martadək davam edəcək.
Müxtəlif gözlənilən yeni cihazlar arasında artıq standart olmuş 18:9 displeyli smartfonlar üstünlük təşkil edəcək. Məsələn, Alcatel şirkətinin Alcatel 5, Alcatel 3V və Alcatel 1X smartfonlarını təqdim edəcəyi deyilir.
Huawei şirkəti ötən il P10 modeli tədbirdə səs-küyə səbəb olmuşdu. Yeni anons edilən P20 smartfonunun isəbu ilki tədbirdə iştirak etməyəcəyi bəlli olub. Görünür ki, Huawei Samsung Galaxy S9 ilə açıq rəqabətə girmək istəmir və P20 smartfonunu ayrıca bir təqdimatda göstərəcək. MWC 2018-də isə Huawei Honor 7X təqdim olunacaq.
Samsung şirkətinin çoxdan gözlənilən Galaxy S9 və S9+ smartfonlarını təqdim edəcək. Onlara birbaşa rəqib olaraq Sony şirkəti Xperia XZ2 və Snapdragon 845 ilə təchiz olunmuş Xperia XZ Pro təqdim edəcək. Tədbirdə ASUS Zenfone 5, Nokia 1, Nokia 7 və Nokia 8 (hər iksi 2018 versiyalı) təqdim olunacaq.
