IFA 2017 sərgisi çərçivəsində Sony Mobile iki yeni flaqman təqdim edib: Sony Xperia XZ1 və XZ1 Compact.
Maraqlıdır ki, Compact versiya digər modeldən çox da geri qalmır. Sony Xperia XZ1 5.2 düymlük Full HD displey, barmaq izi skaneri, Exmor RS MotionEye 19 mpxl. əsas kamerası, 13 mpxl. ön kamera ilə təchiz edilib. Daxildən cihaza Qualcomm Snaodragon 835 prosessoru, 4 GB RAM / 64 GB daxili yaddaş quraşdırılıb. LTE, Wi-Fi, Bluetooth 5.0, NFC, USB Type-C 3.1 dəstəklənir. Batareyanın həcmi 2700 mAh-dir. IP68 standartlı su və tozdan müdafiə texnologiyası da mövcuddur. Smartfonun ölçüləri 148 х 73,4 х 7,4 mm, çəkisi isə 155 qr təşkil edir.
Kiçik olan Compact versiya isə 4.6 düymlük HD displey ilə təchiz edilib. Burada ön kamera 8 mpxl., daxili yaddaş 32 GB və USB Type-C 2.0 versiyadır. Compact versiyada iki SİM-kart dəstəyi yoxdur. Smartfonlar Android 8.0 Oreo əməliyyat sistemi ilə çalışacaqlar. Hər iki cihaz cari ilin oktyabr ayından etibarən satışa çıxarılacaq.
