Xiaomi şirkəti iki tipdə Xiaomi Smart IP Camera adlı smart-kamera təqdim edib.
Əsas versiya 17 mm F 2.3 diafraqmalı obyektiv və Full HD 1080p çəkiliş imkanına sahibdir. Kamera 360 dərəcə fırlana bilir və vertikal şəkildə 93 dərəcə fırlanır. Kameranın xüsusiyyətlərindən biri gecə görüntüsü funksiyasının olmasıdır. Kiçik versiya təxminən eyni göstəricilərə malikdir, lakin çəkiliş imkanı yalnız HD-dir. USB yuva mövcuddur.
Böyük kamera hərəkət edən obyektləri izləmək xüsusiyyətinə sahibdir. Hər iki kamera güclü mikrofonla da təchiz olunub ki, bu da ətraf səsləri aydın şəkildə eşitməyə imkan verir.
Hər iki kamera Xiaomi kraudfandinq platformasında satışa çıxarılıb. Xiaomi 1080p Smart IP 22 dollar, 720p Smart IP isə 12 dollara təqdim olunur.
