GFXBench adlı bençmark resursunda tezliklə təqdim ediləcək ASUS Zenfone 4 smartfonunun göstəriciləri tapılıb.
Belə ki, yeni smartfonun model nömrəsi ZE554KL olacaq. Smartfon 5.5 düymlük Full HD displey, 12 mpxl. əsas və 8 mpxl. ön kamera ilə təchiz olunacaq. ASUS ZenFone 4 Qualcomm Snapdragon 630 prosessoru (2.2 Hhz) çalışacaq və qrafika Adreno 508 olacaq. Smartfonda 4 GB RAM və 64 GB daxili yaddaş quraşdırılacaq. Əməliyyat sistemi Android 7.1.1 Nougat olacaq. Gəzən şaiyələrə əsasən, ZenFone 4-ün əsas kamerası qoşa modul ilə olacaq (12+8 mpxl.). Batareya 3300 mAh təşkil edəcək. Barmaq izi skanerinin də mövcudluğu təsdiqlənib. Cihaz 17 avqust tarixində istifadəçilərə təqdim ediləcək.
