Nexus və Pixel smartfonlarının sahibləri Android Oreo əməliyyat sistemindən artıq istifadə edə bilər. Lakin, digər smartfon istifadəçiləri Oreo-nu biraz gec əldə edə bilər. Xatırladaq ki, Android Nougat təqdim olunduğundan bir il sonra cəmi 13% cihazlara quraşdırılmışdı.
Lakin, Google şirkəti smartfon istehsalçıları ilə bu məsələ üzərində çalışdığını və ən az il sonunandək mümkün qədər çox smartfonu yeni əməliyyat sistemi ilə təmin edəcəyini qeyd edib. Bəzi smartfonların Android Oreo sistemini əldə edəcəyi isə tam dəqiqləşib.
Belə ki, Samsung Galaxy S8, Galaxy S8+, Galaxy S7, Galaxy S7 edge; LG V20 və G6; HTC 10, U11, Bolt və U Ultra; Huawei P10, P9, Mate 9, 8, 6X; OnePlus 5, 3, 3T; Sony XZ Premium və bütün Nokia smartfonları Android Oreo-nu əldə edəcək.
