Xatırladaq ki, AnTuTu hər ay ənənəvi olaraq ən yaxşı smartfonların reytinqini təqdim edir. İyun ayında, məsələn, OnePlus 5 Android-də ən yaxşı smartfon adını qazanmışdı. May ayında qalib HTC U11 olmuşdu.
İyul ayına nəzər salsaq görərik ki, Snapdragon 835 prosessoru ilə çalışan smartfonlar siyahıda ilk yerlərdə qərarlaşıb. Belə ki, 10 smartfondan 7-si reytinqdə məhz bu prosessorla çalışırlar. Digər iki smartfon Apple A10 və bir smartfon Snapdragon 821 prosessoru ilə çalışır.
Birinci yeri, iyun ayında olduğu kimi, OnePlus 5 qazanıb (181.614). İkinci pillədə Nubia Z17 smartfonu qərarlaşıb (179.081). HTC U11 175.987 bal ilə ilk üçlüyü qapayıb. Samsung Galaxy S8+ 171.101 bal ilə 4-cü, Xiaomi Mi 6 beşinci, iPhone 7 Plus 6-cı, Sony Xperia XZ Premium 7-ci, Samsung Galaxy S8 8-ci, OnePlus 3T (Snapdragon 821) 9-cu, iPhone 7 isə 10cu olub.
