Qlobal miqyasda mobil şəbəkə istifadəçilərinin sayı 5 milyarddan çoxdur

GSMA təşkilatı xəbər verir ki, dünya miqyasında mobil şəbəkələrin unikal istifadəçi sayı 5 milyardı ötüb keçib. Araşdırmaya görə, bunlardan 1,081 milyardı, yəni, 21%-i Çində, 730 milyonu, yəni 14%-i isə Hindistanda yaşayır. Şimali Amerikanın göstəricisi 292 milyon nəfər və ya 6%-dir. Latın Amerikasında 459 milyon (9%), Müstəqil Dövlətlər Birliyində isə 227 milyon unikal istifadəçi (5%) qeydə alınıb. Beləliklə, GSMA qeyd edir ki, mobil şəbəkə hazırda dünya əhalisinin 67%-ni əhatə edir. Xatırladaq ki, unikal istifadəçi bir neçə SIM-kart sahibi ola bilər. Yuxarıdakı statistika maşınlararası (M2M) rabitəni əhatə etmir.