Kaspersky Lab şirkəti Kaspresky Free adlı pulsuz antivirus tərtib edib. Bu barədə Yevqeniy Kasperskiy öz bloqunda qeyd edib və bildirib ki, antivirusun təqdimatı şirkətin 20 illik yubileyinə həsr olunacaq.
Pulsuz antivirus kompüterin yalnız əsas müdafiəsini təmin edəcək və heç cürə ödənişli proqramlara rəqib sayılmır. Kaspersky Lab fayl, poçt və veb-antivirusdan ibarətdir. Avtomatik yenilənmə, özünü müdafiə və karantin kimi funksiyalar da mövcuddur. İlk olaraq pulsuz antivirus ABŞ, Kanada, Sakit Okeana yaxın Asiya ölkələrində və Qazaxstanda təqdim olunacaq. Sentyabrda Kaspersky Free Hindistan, Hong Kong, Yaxın Şərq, Türkiyə, Afrika və Latın Amerikası ölkələrində istifadəyə veriləcək. Avropa, Yaponiya və Cənubi Koreyada isə antivirus oktyabrda təqdim olunacaq.
Xatırladaq ki, Rusiya, Çin, Belarus və Ukraynada antivirus 2016-cı ildən etibarən fəaliyyət göstərir.
