Apple Park inşaatı başa çatmaq üzrədir

Apple-ın unikal ofis kompleksinin inşaat işləri şirkətə Stiv Cobsun rəhbərlik etdiyi vaxtlar başlamışdı. Məlumdur ki, o, bu layihənin əsasına çox saylı şəxsi ideyalarını qoymuşdu. Kompleksin energi mənbəi panelləri damda yerləşən günəş elektrik stansiyası olacaq. Çox sayda şüşə konstruksiyalar, «görünməz tikişlər» və böyük yaşıllıq sahələri Apple Park kompleksini günümüzün ən unikal tikilisinə çevirir. Apple Park kompleksinin, o cümlədən, Stiv Cobs adına konfrans zalının təsvirlərini artıq Apple 3D kartoqrafik servisində görmək olar. Apple Park hələ ki 13 min əməkdaşı qəbul etməyə hazır olmasa da, buradakı işlər, demək olar, tamamlanıb.