WhatsApp tərtibatçıları bu dəfə iOS səsli köməkçisi Siri-nin imkanlarını genişləndiriblər. Belə ki, daha əvvəl virtual köməkçi vasitəsilə mesajları səsləndirərək göndərmək mümkün idi. İndi isə, istifadəçinin smartfona toxunma imkanı yoxdursa (məsələn, sükan arxasında), Siri-dən gələn mesajları oxumasını istəmək olar. Yeni funksiya iOS 10.3 və daha yeni versiya əməliyyat sistemi ilə çalışan smartfonlar üçün əlçatandır.
Siri-nin imkanlarının genişlənməsi ilə yanaşı yeniləmə özü ilə bir sıra vizual dəyişikliklər də gətirəcək. Belə ki, zəng, kontakt və qrup bölmələrində bəzi dəyişikliklər edilib.
Anoloji yeniliyin Android üçün nə vaxt təqdim olunacağı məlum deyil.
