Süni intellekt ilə məşqul olan mütəxəssislər öz sistemlərini Grand Theft Auto V oyununda sınaqdan keçirirlər. Məhz bu oyunun virtual məkanında gələcək avtomobillər üçün avtopilot sistemi sınaqdan keçirilir.
Ekspertlərin sözlərinə görə, real dünyada bu sistemlərin sınaqdan keçirilməsi üçün çox zaman tələb olunacaqdı və təhlükəsizlik baxımından o qədər də qənaətbəxş sayılmayacaqdı. GTA V-də isə avtopilot üçün istənilən şəraiti, yol vəziyyətini süni olaraq yaratmaq olar.
Nio şirkətinin mütəxəssisi David Bakçet bildirib ki, real sınaqlar vacibdir, lakin, yetərli deyil və oyun daxilində edilən sınaqlar çox böyük rol oynayacaq.
