SuperData analitik şirkəti interaktiv əyləncə bazarı üzrə maliyyə statistikası tərtib edib. Göstəricilərə əsasən, bu il oyun sənayesinin gəlirləri 91 milyard dollara çatıb. Bunlardan 41 milyard dollar məhz mobil oyunların payına düşür. Ən gəlirli oyunlar kimi Clash Royale, Clash of Clans və Monster Strike göstərilib. İkinci pillədə 36 milyard gəlir ilə PC oyunları yer alıblar. Burada ən gəlirli oyun kimi League of Legends seçilib (1.7 milyard). Digər pillələrdə isə nisbətən daha az gəlir əldə etmiş konsol oyunları, kiberidman və s. qərarlaşıblar.
