Tezliklə idman həvəskarları tarixdə ilk dəfə olaraq professional idman liqası oyunlarını virtual reallıq rejimində canlı olaraq izləyə biləcəklər. NBA Digital və NextVR birlikdə NBA League Pass oyunlarını təqdim etməyi düşünürlər.
Təşkilatçılar 2016-17 basketbol mövsümündə gündə ən azı bir oyunu virtual rejimində, ayrıca şərhçilər və xüsusi kamera görüntüləri ilə təqdim etmək fikrindədirlər. Fasilə zamanı tamaşaçılara basketbol oyunlarının «səhnə arxası» məqamları təqdim ediləcək.
İlk belə yayım 27 oktyabrda Sacramento Kings və San Antonio Spurs komandalarının Golden 1 Center-də keçiriləcək oyununda baş tutacaq.
