Yeni iPhone 7 və 7 Plus, eləcə də iPhone 6S modellərinin sahibləri smartfonların aktivasiyası zamanı problemlərlə üzləşiblər. Problem ondan ibarətdir ki, ilk aktiv etmə zamanı smartfonun başqa bir Apple ID ilə artıq qeydiyyatdan keçirildiyi məlum olur. Apple servislərinə müraciət edən istifadəçilərə smartfonlarını dəyişmək tövsiyyə olunub.
Bəzi istifadəçilər Apple Store-lara alış çekini təqdim etməklə iCloud blokundan smartfonlarını çıxara biliblər, lakin bəzi smartfonlarda problem təkrar olaraq yaranıb. Rəsmi Apple məsələ ilə bağlı heç bir şərh bildirməyib.
