Apple şirkəti təsdiqləyib ki, AirPods simsiz qulaqlıqlarından birinin itirilməsi halında istifadəçilər yeni komplekt almaq məcburiyyətində qalmayacaqlar.
Bu açıqlama böyük istifadəçi kütləsinin sosial şəbəkələrdə etdiyi etirazlardan sonra verildi. «Mən gün ərzində üç ədədini itirəcəm. Mənə 100 ədəd bu qulaqlıqdan lazımdır» tipli etiraz mesajları Apple-a ünvanlanmışdı. Məhz buna görə şirkət qulaqlıqları ayrı-ayrılıqda satmağa qərar verdi.
Amerikada bütöv komplekt (iki qulaqlıq, Lightning kabel və enerji yığan üçün qab) 159 dollar təşkil edir. Bir qulaqlığın qiyməti isə təxminən 55 dollar təşkil edəcək.
