Microsoft şirkəti pulsuz irimiqyaslı Windows 10 Anniversary Update yeniləməsinin paylaşımı haqqında məlumat verib. Qeyd edək ki, burada «anniversary» «yubiley» mənasında deyil, «illik» mənasında nəzərdə tutulub.
Yeniləmə mərhələli şəkildə göndərildiyi üçün bütün istifadəçilər Anniversary Update-i bu gün qəbul etməyəcəklər. İlk olaraq bu yeniləmə daya yeni sistemlərə göndəriləcək. Windows 10 Mobile əməliyyat sistemi ilə çalışan smartfonlar isə yeniləməni yaxın bir həftə ərzində qəbul edəcəklər. Anniversary Update avtomatik olaraq cihazınıza göndəriləcək və bunun üçün heç bir əməliyyat yerinə yetirmək lazım deyil.
