Android-in ən yeni versiyası olan Marshmallow əməliyyat sistemi ilə çalışan smartfonların sayı durmadan artır. Məsələn, iyun ayında təqdim olunacaq Motorola və OnePlus şirkətlərinin yeni flaqmanlarında Android Marshmallow artıq quraşdırılmış olacaq. Bütün bunlar «yaşıl robotun» ən aktual versiyasının getdikcə yayıldığını göstərir.
Belə ki, əgər aprel ayının əvvəlində Marshmallow-nun payı 4.6% təşkil etmişdirsə, may ayında bu göstərici 7.5%-dək yüksəlmişdir. Google nümayəndələri bildirirlər ki, tezliklə Android 6.0-ın payı 10.1% təşkil edəcək.
Bəs Android-in digər versiyalarının göstəriciləri necədir?
Hal-hazırda Lollipop ilə işləyən cihazlar ümumi smartfonların 35.4%-ni təşkil edir, KitKat (31.6%), Jelly Bean (18.9%), Ice Cream Sandwich (1.9%), Gingerbread (2.0%), Froyo (0.1%) təşkil edir.
