Bu günlərdə Google iOS üçün Gboard adlı klaviaturanı təqdim edib. Zahirən Gboard iOS-in standart klaviaturasını xatırladır, yeganə fərqli xüsusiyyət quraşdırılmış axtarışın olmasındadır. Xüsusi düymənin köməyi ilə istifadəçilər axtarış bölməsinə rahatlıqla keçə bilər və lazım olan informasiyamı əldə edə bilərlər. Tapılan informasiyanı çatda həmsöhbətlə paylaşa bilərsiniz və ya mətn, qeyd kimi yaddaşda saxlaya bilərsiniz.
Gboard-ın digər xüsusiyyətlərinə smayliklərin və animasiyaların axtarış imkanı, eləcə də yeni Glyde adlı mətn yazma növü daxildir. Onun köməyi ilə klaviaturada bir barmaqla hərflər üzərində hərəkət edərək yazmaq mümkündür.
Hal-hazırda yeni klaviatura yalnız ABŞ ərazisində App Store-da mövcuddur və digər regionlarda tezliklə əlavə olunacağı bildirilir.
